Strč prst skrz krk

Púff! Þarf að fara að vinna smá. Verið að setja upp nýtt kerfi um áramótin. Verður náttúrlega að gerast um helgi.

Við fjölskyldan erum að fara á HP4 núna á eftir. Man ekki hvenær ég fór síðast í bíó. Gæti það hafa verið Lotr3? Erum greinilega ekki öflugustu bíónotendurnir.

Ef ég á að vera samkvæmur mér með prímtölubloggið, þá verð ég að setja þetta inn núna.

Við hjónin kíktum í Þorláksmessuboð til Nönnu eftir að hafa náð í Finn á leikskólann. Ég hef ekki farið áður en Hildigunnur a.m.k. tvisvar áður. Glæsilegar veitingar hjá Nönnu.

Var að enda við alveg frábæra bók. A short history of nearly everything eftir Bill Bryson. Í henni er stiklað á stóru í vísindasögu sl. 500 ára eða svo. Bryson tekst það sem alltof fáum tekst; að gæða söguna lífi. Á köflum var hún svo skemmtileg að ég las hana eins og reyfara. Ekki allar sögubækur, sem eru þannig.

Snilldargóð grein í Fréttablaðinu í gær: „Er siðmenningin óhugsandi án bjórs?“ eftir Val Gunnarsson. Mæli með henni.

Smökkuðum fyrir nokkrum dögum kampavínið Jacquesson Cuvée 728.
Kampavínssérfræðingurinn Tom Stevenson gefur þessu víni 90 stig, sem er mjög hátt fyrir árgangslaust kampavín. Við hjónin vorum því ansi spennt fyrir þessu, sérstaklega þar sem við höfum verið Jacquesson aðdáendur frá því við smökkuðum Perfection vínið frá þeim. Frábært árgangslaust vín með m.a. marsípan og hnetubragði. Með bestu kampavínum sem við höfum smakkað.
Því miður þá urðum við fyrir vonbrigðum með Cuvée 728. Þetta er ágætis kampavín með fínlegu bragði en náði engan veginn þeim hæðum sem við vitum að Jacquesson getur náð. Spurning hvort þetta hafi verið mánudagsflaska. Maður á nú sennilega eftir að prófa 729 einhvern tímann en það er næsti „árgangur“ frá Jacquesson.

Finnur góður í leikskólanum áðan:
Hann var kominn í skammarkrókinn. Þegar hann var spurður að því hvað hann væri að gera þar þá kom svarið: „Ég er að leika jólasveininn Skammarkrók‟

Kúl...
McLaren búið að næla í Alonso. Þá er bara spurningin hvort það verður Räikkönen eða Montoya, sem aka við hliðina á honum. Margir búnir að veðja á að Räikkönen fari til Ferrari eftir næsta tímabil. Er samt ekki viss um hversu gáfulegt það væri. Ferrari nýbúið að missa Vodafone sem stuðningsaðila, styttist í að Marlboro hætti líka og Fíat í þvílíkum kröggum.
Hugsa að Montoya missi sætið. Þvílík dúnduruppstilling, sem það væri að hafa Räikkönen og Alonso saman í liði. Nálgast það þegar Prost og Senna óku fyrir McLaren.

Nágranni okkar, Kristján, sem er málari var með opið hús í gær. Kíktum yfir og skoðuðum afrakstur síðustu mánaða. Ansi flottar myndir hjá honum. Bjór á könnunni. Bara mjög skemmtilegt.

Heyrt í fréttatímanum á Gufunni í kvöld:
„Danska viðskiptablaðið Bøssen“ segir frá því í dag að Baugur sé við það að kaupa Atlas fasteignafélagið... Alveg grafalvarlegur þulur án þess að vottaði fyrir neinu erri.

Fór með Finn í jólahóptíma á víóluna áðan. Hann var að spila sóló, Mér um hug og hjarta nú. Alveg brandari drengurinn. Meðan hann var að spila þá horfði hann í allar áttir og boginn út um allt á víólunni. Skrönglaðist þó í gegnum lagið. Voða duglegur. Á eftir samskotakaffi.

Nú munaði minnstu að ég missti færsluna yfir á næsta dag. Annars væri ég næstum búinn að snúa prímtölublogginu við.
Var í snilldarfótbolta í kvöld (les mitt lið vann) Ekki hans, hehe. Maður er náttúrlega alveg búinn eftir þetta. Eins og venjulega.

Náttúrlega ekki hægt að gefa vitlaust fyrir þetta:

Þegar ég sá að þetta bloggnafn var laust, þá var ekki hægt annað heldur en að negla það. Nú sit ég uppi með það að fara að blogga... Eins og restin af fjölskyldunni.

Hér verður bara fært á prímtöludögum. Bloggstjóri ræður hvernig það er ákveðið...